柏臻的記事簿

哥臻很喜歡畫圖畫，媽媽今天叫他畫一家人，他就畫了這幅畫。

今年的迎月夜有哥臻、妹倢、媽媽、爸爸同阿姨一齊玩燈籠，係公園玩時又見到鄰居德德。妹妹雖然睡了，但仍然同哥哥合照。

可能我們沒有太多大件的玩具，哥臻時常會將一些玩具再組合。今次他將屋企的 枱、椅、梳化和cushion 組合成他的時空隧道。

今天爸爸和媽媽一同去幫忻倢攞出世紙，坐在登記官的前面發現這個人很熟口面。呀……爸爸記起了，原來這個人就是三年前幫柏臻登記的同一人。咁點解一向認人十分差的爸爸又記得呢？ 原來當年幫柏臻登記時，爸爸簽名時簽錯了，這位登記官立即口黑面黑咁走去再印一張。敢樣俾人口黑面黑完又點會唔記得佢個樣呢？

一個月小結：體重由出生時的細B上升到中B的水平、平均每3小時飲4安士奶。早上同中午都十分渴睡，但一到深夜就精精靈靈，爸爸媽媽有時要到四點先可以訓覺。

呀…..仲有，網頁最上面幅圖畫係由哥臻親自畫的，當然有媽媽在旁指導啦!!

我叫「忻倢」，英文名Angi。我已經一個多月大仍然十分愛睡覺。婆婆、媽媽、爸爸和哥臻都十分照顧我，我通常都會在白天時睡覺，一到深夜我就好精神，而且仲要人抱住我先唔會喊，所以媽媽每晚都冇覺好訓。

今天是臻臻學校的迎新日，爸爸帶臻臻乘港鐵到學校參加。今天主要是聽班主任講解開課時的安排，例如星期幾上運動堂、書包裡要有水杯、食物盒、家長記住要填手冊之類，不過最最緊要的是校訓第100條–不得遲交學費。

臻臻對自己的課室十分有興趣，因為有很多玩具可以玩，仲問幾時開始返學?

還未來得及把臻臻的相片放在blog 上,妹妹就搶著要出來了。雖然和我們預算的日子早了些，但只要媽媽和妹妹二人健康就好了。

今天臻臻正日生日，一早和爸爸、媽媽、阿姨及公公去九龍公園玩，之後去日本餐廳吃午餐，晚上回婆婆家食生日蛋糕。

今日去西頁和嫲嫲及姑姑、姑丈到市中心吃晚飯。吃完飯臻臻負責帶小矇回家，之後我們為臻臻慶祝生日和切蛋糕。臻臻三歲啦!!! 生日快樂。

呀，唔記得講今日都係「順便」慶祝埋父親節嫁，唔知有冇人記得呢?